«Сандро Чагьамтәи», «Чик ихәыҷра», «Софичка» уҳәа арҭ аҩымҭақәа ззымдыруа аҧсыуак дыҟамзар ҟалап. Иҵит ҧшьынҩажәи жәиҧшь шықәса еицырдыруа Аҧсныи Урыстәылеи Жәлар рышәҟәыҩҩы Фазиль Искандер диижьҭеи. Адунеи иахыҵәахьоу арҿиаҩы иҩымҭақәа ирылхны иқәыргылоуп иакымкәа асахьаркыратә фильмқәа,аспектакльқәа. Фазиль Искандер ихьӡ ахуп аҳәынҭқарратә аурыс драматә театр. Фазиль Абдул-иҧа Искандер ианашьоуп Ахьӡ-аҧша аорден актәи аҩаӡара.