Аҧсны иааны иҟоуп Ҭырқәтәылатәи Аҧсуа культуратә хеидкылақәа рфедерациа анапхгаҩы Иауз Аҭрышба зхадараҿы дыҟоу аделегациа. Абҵарамза 23 рзы,Диузџье ақалақь аҟны имҩаҧысыз афедерациа ахантәаҩы иалхрақәа рҿы Иауз Аҭрышба аиааира игеит. Зҭоурыхтә ҧсадгьыл аҟны иааны иҟоу аделегациа идикылеит Аҧсны Ахада Бадра Гәынба. Аиҧылара далахәын Аҧсны Ахада ихаҭыҧуаҩ Беслан Бигәаа.