Ахәылҧаз мҩаҧгахоит Аҟәа, мшаҧымза хҧа рзы. Нинель Бжьаниаҧҳаи Гулиза Аҩӡҧҳаи ирхәмаруа ашәақәа знык иадамхаргьы, шәлымҳа иҭасхьеит. Арепертуар аҿыцрақәа алагалоуп. Амелодиақәа рыбжьы хаа иаҳагьы аинтерс аҵаларц азы ирыцықәгылоит аҳәынҭқарратә камертә оркестр. Ихадоу арепетициа иалахәын ҳҭыхратә гәыҧ, дара еилыркаауан ахәаҧшҩы идгалахо апрограмма зеиҧшроу.