Аҧсны Жәлар рышәҟәыҩҩы Дырмит Гәлиа диижьҭеи 150 шықәса аҵра иазкыз аныҳәатә еилатәара мҩаҧган Самсон Ҷанба ихьӡ зху аҧсуа ҳәынҭқарратә драматә театр аҟны. Уи далахәын Аҧсны Ахада инапынҵақәа назыгӡоу Бадра Гәынба. Агәырҕьаратә еилатәара иалагаанӡа атеатр афое аҿы имҩаҧысит Жәлар рышәҟәыҩҩы илитература- мемориалтә музеи еиҿнакааз ацәыргақәҵа. Анаҩс Идырбан Дырмит Гәлиа илирикатә поезиа иалху аспектакль «Иареи Лареи».