Иныҳәаз ажәҩан, ухьӡ зху! Иныҳәаз адгьыл, уа узну! Раҧхьатәи аҧсуа поетесса Нелли Ҭарҧҳа лцәаҳәақәа реиҳарак лыҧсадгьыл иазылкуан. Аҧсны жәлар рпоет, апрозаик, Аҧсны зҽаҧсазтәыз акультура аусзуҩ, аиҭагаҩ, Дырмит Гәлиа ихьӡ зху аҳәынҭқарратә премиа алауреат Нелли Ҭарҧҳа, абҵара ҩажәа рзы илхыҵраны дыҟан ҧшьынҩажәи жәаба шықәса. Апоетесса лгәалашәара аҳаҭыразы анҵамҭа шәыдаагалоит.