Аҧсны анапхгареи аоппозициатә мчрақәеи рхаҭарнакцәа апарламент рыбжьаҟазарала реицәажәара асааҭ жәаа рзы иалагеит. Иагьхыркәшахеит, ҵхагәаны асааҭ хҧа рзы. Аа-сааҭк ицоз аицәажәарақәа ирлыҵшәаны аиқәшаҳаҭра рнапы аҵарҩит уи иалахәыз. Аслан Бжьаниа , Аҧсны Ахада инапынаҵқәа рааныжьразы арзаҳал инапы аҵеиҩуеит. Иара убас , инапынҵақәа рааныжьразы арзаҳал инапы аҵеиҩуеит Аҧыза- министр Александр Анқәаб. Аҧсны ахада инапынаҵқәа наигӡалоит Бадра Гәынба, аиҳабыра рхадас-Валери Бганба. Егьырҭ амчратә структурақәеи, аҳәынҭқарратә усбарҭақәеи рнапхгаҩцәа рмаҵзурақәа шынарыгӡалац инарыгӡалоит.