Аҧсны асовет аамҭазы ачаитә индустриа аҩаӡара ҳаракын. Ачаитә плантациақәа 14 000 гектар рҟынӡа рыҵанакуан, насгьы шықәсык 25 000 тонна ачаи ҭаргалон. Ачаи аарыхра дуун. Егьырҭ ареспубликақәа рахь ирышьҭуан. Очамчыра араион Кәтол ақыҭа иаҵанакуа Ҭоумышь аҳаблан аҭоурых ду змоу ачаи аиҭарҿиара иаҿуп. Зеиҧшыҟам аҳауеи, адгьыл бзиеи знаалаз ачаи рнапы алакуп ҩыџьа аиҩызцәа. Иаҧҵаны ирымоуп рхатә фирма «Еко чаи». Ажәабжь ҳзеиҭалҳәоит Наала Чхьынџьериаҧҳа.