Аныҳәақәа ирныҳәоу мшуп нанҳәа 26. Абар жәаф шықәса ҵит Аҧсны ихьыҧшым ҳәынҭқарраны иазхаҵоуижьҭеи.Зыҧсадгьыл зхы ақәызҵаз аҵеицәа ршьа ҭызгаз ҭоурыхтә хҭысхеит Аҧсны ахьыҧшымра азхаҵара амш. Аҧсны Ахада Аслан Бжьаниа, уи ихаҭыҧуаҩ Бадра Гәынба, Жәлар реизара Аиҳабы Лаша Ашәба, аиҳабыра рхаҭарнакцәа, Аҧсны иҟоу Урыстәыла ацҳаражәҳәаҩ Михаил Шургалин, аибашьра аветеранцәа,анацәа, Аҧсныҟа ааҧхьара змоу асасцәа-Урыстәыла Аҳәынҭқарратә дума адепутат Константин Затулин , Аахыҵ Уаҧстәыла адәныҟатәи аусқәа рминистр Ахсар Џьиоев ашәҭқәа шьҭарҵеит аҧсадгьыл ахьчара аан иҭахаз Аҟәатәи рбаҟа амҵан. Иара убасгьы иаҭааит Аҧсны актәи ахада Владислав Арӡынба анышә дахьамадоу Ешыратәи амемориалтә комплекс.