Аҧсны жәлар рџьынџьтәылатә еибашьра анцоз аҧсадгьыл ахьчаҩцәа иаадырҧшуан агәаҕьреи агәымшәареи. Урҭ рыбжьара дыҟан Очамчыра араион Река ақыҭантәи арҧыс Иури Қәычбериа. Раҧхьа деибашьуан Гәмысҭатәи афронтаҿы. Анаҩс Мрагыларахьтәи ашҟа дцоит. Ажәыларақәа раан иааирҧшуаз агәымшәаразы «Аҧсны Афырхаҵа» ҳәа ахьӡ ҳаракы ихҵан данҭаха ашьҭахь. Афырхаҵа иҭоурых Наала Чхьынџьериаҧҳа ланҵамҭаҿы.