Ҩажәи жәаба шықәса раҧхьа , Урыстәылеи, Аҧсныи, Қырҭтәылеи рхадацәа рнапы зҵарҩыз аиқәшаҳаҭра инақәыршәаны, аимак зыбжьаз ҩ-республикак рҳәаахь иааргеит абжьаҟазаратә архәҭақәа. Жәиҧшь шықәса рыҩныҵҟа рмаҵзуратә уалҧшьақәа рынагӡараан иҭахеит шәи жәибыжь ҩык асолдаҭцәеи афицарцәеи. Дара рыхьӡала абаҟа ргылоуп Аҟәа. Уи амҵан ашәҭқәа шьҭеиҵеит Аҧсны Ахада Аслан Бжьаниа. Ажәабжь иацылҵоит Алика Ҭраҧшьҧҳа.