Аҧсны Ахада Аслан Бжьаниа идикылеит Кавказтәи аибашьра иалаӡыз ргәалашәара иазкны Ҭырқәтәыла, Қефқьен имҩаҧысыз алахьеиқәҵаратә усмҩаҧгатә иалахәыз Аҧснытәи аделегациа. Дара Аҧсны Ахада изеиҭарҳәеит ,уаҟа инхо аҧсуаа ҳмилаҭтә культура аиқәырхара ишазҿлымҳау. Аҧсныҟа имаац ҳреспублика аҭаара гәҭакыс ишрымоу. Аҧсны Ахада иҳәеит ҳџьынџьуааи ҳареи иҳабжьоу аимадарақәа рырҕәҕәара еснагь ацхыраара шазыҟаиҵо.