Аҧсадгьыл ахь ахынҳәразы аҳәынҭқарратә еилакы иҟанаҵаз афинанстә цхыраара иабзоураны, арҵаратә методикатә центр «Аӡыхь» аҟны, зыҧсадгьыл ахь ихынҳәыз ҳџьыньуаа рхылҵшьҭрақәа аҧсуа бызшәа дырҵара иаҿуп. Аҧсуа бызшәазы акурсқәа хацыркын хәажәкыра мзазы, уажәы уи ахыркәшарахь инеиуеит. Аҳәынҭқарратә еилаки ацентр «Аӡыхьи» еицеиҿыркааз акурсқәа рылҵшәа иаиуз ҳҭыхратә гәыҧ ранҵамҭаҿы.