Апоет, апублицист, алитератураҭҵааҩ, аиҭагаҩ, акритик, Аҧсны зҽаҧсазтәыз акультура аусзуҩ, ажурналист, академик, Ахьӡ-аҧша аорденқәа аҩбатәи, ахҧатәи аҩаӡарақәа занашьоу, Владимир Занҭариа ииубилеи аҳаҭыр азы аҭҵаарадырратә конференциа еиҿкаан. «Агәацҧыҳәареи ахандеиреи рымҩала» захьӡыз аконференциахь инаҧхьан аҵарадырра аусзуҩцәа, ашәҟәыҩҩцәа, аинтеллигенциа рхаҭарнакцәа.