Ҧшьынҩажәи хәба шықәса ҵит аҧсуа ҵарауаҩ, Аҭоурыхтә наукақәа ркандидат, Аҧсны зҽаҧсазтәыз акультура аусзуҩы, аетнограф, апрофессор, ауаажәларратә усзуҩы, Гьаргь Ӡиӡариа ихьӡ зху аҳәынҭқарратә премиа алауреат Иури Аргәын диижьҭеи. Гәдоуҭа Сергеи Дбар ихьӡ зху Аҧсны Аџьынџьтәылатә еибашьра амузеи аҟны еиҿкаан аҵарауаҩ игәаларшәара иазку ахәылҧаз. Уи рхы аладырхәит аҵарауаҩ иҭаацәа, иҩызцәа, иколлегацәа.