Аиааира амш ныҳәазы аҳҭнықалақь аҧшаҳәа аҽарҭбаауеит. Ихыркәшоуп аҵыхәтәантәи амзқәа рзы аӡиас Басла зыхҵара иаҿыз ацҳаҿы аусурақәа. Шьҭарнахыс ақалақь ауааҧсыреи иара убас иаҭаауа асасцәеи ирымоуп алшара иҵегьы ршьапы аиҵыхразы. Амҳаџьырқәа рыҧшаҳәа аҿынтә ацҳа уианагоит Урыстәыла архәҭақәа ирыҵаркуаз аҧсшьарҭаҩнқәа рыгаҿахьы. Ари аҳамҭа ду ибзоуроуп аҧсуа усдкылаҩ Михаил Сыҷынаа. Аҭоурыхтә рыцхә амшазы ацҳа ҿыц ацаха ҟаҧшь ҧырҟеит Аҧсны Ахада Аслан Бжьаниа , аусдкылаҩ Михаил Сыҷынаа, аҳҭнықалақь ахада Беслан Ешба.