Ҩыџьа аҵеицәа рыҧсқәа ҭынчхеит . Аҧсны Афырхаҵа Леонид Ҧкьыни агәымшәараз амедал занашьоу Арсен Ефендиеви Аҟәа Ахьӡ-Аҧша апарк аҿы анышә иамардеит. Аибашьцәа рҩыџьагьы иахьа уажәраанӡа хабарда ибжьаӡны иҟоу ирхыҧхьаӡалан. Ҩажәи жәаба шықәса рнаҩс дара рхаҭарақәа шьақәыргылан аиҳабыра рҿы иаҧҵоу хабарда ибжьаӡыз рыҧшаараз акомиссиеи Аџьар ҟаҧшь жәларбжьаратәи аилаки русеицура иабзоураны.