Владислав Арӡынба ихьӡ зху аибашьра-фырхаҵара Ахьӡ-Аҧша аҳәынҭқааратә музеи аҟны имҩаҧысит Аҧсны Жәлар Рџьынџьтәылатә еибашьраан иҩыз асаламшәҟәқәа ирызку адокументалтә фильм аӡыргара. Иара авторс дамоуп ажурналист Екатерина Бебиаҧҳа. Аусумҭа аҧҵоуп Аҧсны акультура аминистрреи Аҧсны Жәлар рџьынџьтәылатә еибашьра аинвалидцәа рфонди рыцхыраарала. Афильм режиссиорс дамоуп Дауҭ Логәуа.