Чехов ихьӡ зху Аҟәатәи жәиҧшьтәи абжьаратәи ашкол аҿы сынтәа актәи акласс аҧсуа сектор аадмыртӡеит,ахәыҷқәа ахьымнеиз иахҟьаны . Уи иазкны мышқәак раҧхьа анҵамҭа ҳефир аҿы иҟан. Ҳауаажәлар ари ахҭыс еиуеиҧшым агәаанагарақәа рызцәырнагеит. Аҧсуа сектор ахь ахәыҷқәа шҧамцеи закә рыцҳарои ҳмилаҭ рзы зҳәаз рацәаҩхеит. Аха аҭаацәа рахьтә иҟоуп ажурналистцәа ари азҵаара шьҭыхны изалацәажәеи, ҳарзашшуеит зҳәазгьы.Атема иацылҵоит Амра Зарандиаҧҳа .