«Ус баша аиҭашьақәыргылара акәымкәа , аҭӡыҵәҟьақәа аинформациа урҭоит . Избаз сгәы иахәеит», ҳәа ахҳәаа ҟаиҵеит Аҧсны Ахада Аслан Бжьаниа Аҭареи Аракьаҽи ашколқәа дырҭааны иахьибаз . Арҭ амшқәа рзы араҟа акапиталтә ремонт рзуны иалгеит. Ари аус аҿы ацхыраара ҟарҵеит жәлар реизара адепутат Резо Занҭариа, аерманцәа рхеилак аиҳабы Алик Миносиан, араион анапхгара , ақыҭа ауааҧсыра. Атәыла ахада Аҭаратәи ашкол аиҳабы Светлана Быҭәба акомпиутертә техника аахәаразы асертификат лнапаҿы илиҭеит. Аҳамҭа ҟаиҵеит Очамчыра араион ахада Беслан Бигәаа - акомпиутери, апринтери, ашәҟәқәеи ашкол иаиҭеит. Аҭаратәи ашкол анаҩсан Атәыла ахада Аслан Бжьаниа даҭааит хәажәкыразы амца иалаблыз Аракьаҽытәи ашкол . Абжьаратә ҵараиурҭақәа аҵарашықәс ҿыц ишазхиоу атәы еиҭеиҳәоит Алиас Қорсаиа.