Нанҳәамза 15 рзы, есышықәса иазгәарҭоит Аҧсны жәлар рџьынџьтәылатә еибашьра анцоз хатәгәаҧхарала еибашьуаз рымш. Ҩажәи жәеиза шықәса раҧхьа, уи аҽны, Нхыҵ-Кавказынтәи Гәдоуҭҟа иааит аполковник Сулҭан Сосналиев напхгара ззиуаз агәыҧ. Ашәахьаҽны , Ақалақь Фырхаҵа Гәдоуҭа иҭахаз рбаҟа амҵан ашәҭқәа шьҭаҵаны ихырхәеит Аҧсны Ахада ихаҭыҧуаҩ Бадра Гәынба, Аҧыза- министр актәи ихаҭыҧуаҩ, ақыҭанхамҩа аминистр Беслан Џьопуа, атәыла Ахада иусбарҭа анапхгаҩы Џьансыхә Нанба, Аҧсны иҟоу Урыстәыла ацҳаражәҳәаҩ Михаил Шургалин, Гәдоуҭа араион анапхгара, аиҳабыра реилазаара алахәылацәа, аибашьра аветеранцәа, Нхыҵ-Кавказтәи ареспубликақәа рҟнытә хатәгәаҧхарала иҳацхраауаз, иҭахаз аибашьцәа ранацәа, ауаажәларра рхаҭарнакцәа.