Владислав Арӡынба ихьӡ зху аибашьратә фырхаҵара Ахьӡ-Аҧша аҳәынҭқарратә музеи аҿы иаатит афотоцәыргақәҵа. Уаҟа Аҧсны аџьынџьтәылатә еибашьраан хатәгәаҧхарала еибашьуаз Аҧсны Афырхаҵа Сулҭан Сосналиеви, хатәгәаҧхаралатәи аус иалахәызи, аибашьраан иҭахази, аиааира ашьҭахь зыҧсҭазаара иалҵызи рфотосахьақәа цәыргақәҵоуп. Ацәыргақәҵа иаҭааит Аҧсны Ахада иусбарҭа анапхгаҩы Џьынсыхә Нанба, Аҧыза-министр актәи ихаҭыҧуаҩ, ақыҭанхамҩа аминистр Беслан Џьопуа, Аҧсны иҟоу Урыстәыла ацҳаражәҳәаҩ Михаил Шургалин, аибашьра аветеранцәа, ауаажәларра рхаҭарнакцәа.