Иара игәеиҭеит Аҟәеи Очамчыреи еимаздо амҩаду арлашаразы аусурақәа реиҿкаашьа. Убасгьы, Аслан Бжьаниа дыҟан Кәыдры аӡиас ахықәаҿ. Араҟа аӡы хыҵны ақыҭақәа ирыҵамларц азы ахықә арҕәҕәара иаҿуп. Атәыла ахада убасгьы Очачыра ақалақь амшын аҧшаҳәаҿы еиҿкаау аусурақәа рымҩаҧгашьа ахә бзианы ишьеит. Анаҩс имаҧсит Очамчыра араион актив реизара. Уи иалахәын атәыла ахада Аслан Бжьаниеи, аҧыза аминистр Алеқсандр Анқәаби. Излацажәоз азҵаарақәа инарҭбааны Амра Зарандиаҧҳа ланҵамҭаҿы.