Ашәҟәы «Сухумъ» азеижәтәи ашәышықәса анҵәамҭеи, аҩажәатәи алагамҭеи, ақалақь аҭоурыхи архитектуреи рзы аочерк». Абас ахьӡуп иӡыргаз, аҭоурыхҭҵааҩы, археолог, асахьаҭыхҩы, аколлекционер Анзор Агәмаа ишәҟәы. Иара аҭыжьра алыршахеит амобилтә еимадара «Аҟәафон» афинанстә цхыраара ала. Ашәҟәы аӡыргара аилахәыра ахаҭа ҩажәашықәса ахыҵра иамадоуп. Ажәабжь иацырҵоит ҳкорреспондентцәа.