Ауаажәларратә ҭыҧқәа рҿы аҽыкәабагатә маҭәақәа зышәҵаны ицәырҵуа ф-нызықьмааҭ ахараҧса дыршәахоит. Абас иҟоу азакәан рыдыркылеит рашәара ааба рзы имҩаҧысыз Аҧсны Жәлар реизара асессиа аилатәара аҿы. Иааидкыланы, амшхәаҧштә аҿы ҩажәи ҩба зҵаара ыҟан. Урҭ рыбжьара Аҧсны аныҳәатәи агәаларшәаратәи мшқәа хҧа ралагалара, жәларбжьаратәи аиқәшаҳаҭрақәа аус рыдулара уҳәа убас егьырҭгьы. Ажәабжь иацырҵоит ҳкорреспондентцәа.