Аҳәынҭқарратә пограмма «Анхарҭа ҩажәи хҧа-ҩажәи хәба» азы акомиссиа шьақәырҕәҕәоуп . Уи ахантәаҩыс далхуп аҧыза-министр ихаҭыҧуаҩ Сергеи Пустовалов . Ҩ-нызқьи ҩажәи хҧа шықәса рзы Аҳәынҭқарратә бызшәа аҿиара апрограмма иазоужьуп хә-миллион мааҭ. Аминистрцәа реилазаара иара убас ҳтәылахь иҭаргало, мамзаргьы аҳәаа иахырго арҩашьыгатәи апсихотроптәи маҭәашьарқәа рыквота шьақәнарҕәҕәеит. Асиа ианылеит жәаха хкы ахәшәқәа. Ҩ-нызқьи ҩажәи ҩба шықәсазы аҭаацәара дуқәа рҿы ииз ахәыҷқәа инеизакны ирзоужьын ҩажәи жәаф миллион инареиҳаны , зынӡа -хышәи хынҩажәи ҩба ҭаацәара ыҟоуп изызшәатәу. Аҧара рзоужьын иара убас Донбасс аоперациа ҷыда аан иҭахаз рҭаацәарақәа . Аиҳабыра иара убас егьырҭ азҵаарақәагьы ирыхәаҧшит. Аилатәара аҿынтә Фатима Гьергьиаҧҳа ланҵамҭа .