Жәларбжьаратәи аидгыла «Алашареи», Адунеизегьтәи аҧсуа-абаза конгресси есышықәса имҩаҧыргоит абаза хәмаррақәа. Имҩаҧысуеит иара Ҟарачы-Черексстәыла. Сынтәа уи ажәабатәи хәмаррақәоуп. Еснагь еиҧш уажәгьы урҭ рхы рыладырхәт Аҧснынтәи аделегациа, иара аилазаараҟны иҟоуп еиуеиҧшым аспорт хырхарҭақәа знапы рылаку аҧсуа спортсменцәа, Аҧсуа-абаза конгресс аусзуҩцәа, аԥсадгьыл ахь ахынҳәраз аҳәынҭқарратә еилакы аусзуҩцәа, Аҧсны Аҳәынҭқарра спорттә еилакы, иара убас ауаажәларратәи аҳәынҭқарратәи аусзуҩцәа.