Нанҳәа мза 30 рзы адунеи аҿы иазгәарҭеит хабарда ибжьаӡыз жәларбжьаратәи рымш. Ари арыцхә инамаданы Аҧсны аҭынчреи асоциалтә иашареи рзы анацәа рхеилак алахәылацәеи, жәларбжьаратәи Аџьар Ҟаҧшь ахаҭарнакцәеи ашәҭқәа шьҭарҵеит Аҧсадгьыл ахьчара аан иҭахаз Аҟәатәи рбаҟа амҵан. Анаҩс, Иван Папасқьыр ихьӡ зху Амилаҭтә библиотекаҿы имҩаҧысит хабарда ибжьаӡыз рфотосахьақәа рыла еиҿкааз ацәыргақәҵа.