Ари адәыҕба иҭаз рхыҧхьаӡараҿы дыҟан Урыстәыла акционертә еилазаара «Урыстәылатәи аихамҩақәа» адиректор хада ихаҭыҧуаҩ Дмитри Пегов. Адәыҕба аара аҳаҭыр азы еиҿкаан аконцерт. Иара шьақәгылан аҧсуа кәашарақәа рыла. Асасцәа убасгьы амилаҭтә чыси, аҧсуа ҩқәеи ргьама рбеит.Афымца дәыҕба «Ласточка» есымша Шәачантәи Гаграҟа иаауеит. Иара аанҿасуеит Мацеста, Хосҭа, Адлер, Имереҭтәи акурорт, аплатформа Гагрыҧшь, иара убасгьы аплатформа Абааҭа. Ажәабжь иацылҵоит Шьазина Ҳанагәаҧҳа.