Аккордеони амырзакани арҳәарала аҧсуа милаҭ кәашаратә музыка анотақәа реизга ҭыҵит – уи ӡырган Аҳәынҭқарратә Филармониаҿы, зусура хацзыркыз акәашаратә Ареспубликатә фестиваль -аицлабра «Аӡыхь» аҳәаақәа ирҭагӡаны. Аҧсуа милаҭ кәашара амузыка знылаз Аҧсны Аџьынтәылатә еибашьра ҟалаанӡа еиқәиршәахьан акомпозитор, амелодист, арҵаҩы,Оҭар Хәынҵариа. Жәлар рырҿиара ацентр аиҳабы Нури Кәарҷиа ҳкорреспондентцәа ирзеиҭеиҳәеит уи анапҩыра шыҧшааз, насгьы аҭыжьра зыбзоуроу.