Аҵыхәтәантәи имҩахь днаскьаргеит Аџьынџьтәылатә еибашьра аветеран, Ахьӡ-аҧша аорден ахҧатәи аҩаӡара занашьоу, Аҧсны жәлар реизара аҧшьбатәи ааҧхьара адепутат, амеценат Сенер Гогәуа. Аҧсны аиҳабыра рхада идҵаҟаҵарала, Сенер Гогәуа иҧсыжра аиҿкаараз аҳәынҭқарратә комиссиа аҧҵан.Уи иаиуит хыҧхьаӡара рацәала аҳәаанырцәынтә адашшыларақәа. Атәыла анапхгара, аиҳабыра, ауаажәларра Сенер Гогәуа абзиараз ҳәа иарҳәон иахьа ,Аҟәа , Арҵаҩы иҩны аҟны.