Имҩаҧысит аҟазаразы аҳәынҭқарратә монументалтә комиссиа аилатәара.

22.02.2021 19
Аҧсны асахьаҭыхыҩцәа Реидгыла ацәыргақәҵатә зал хада аҟны имҩаҧысит аиҳабыра реилазаара анапаҵаҟа иҟоу аҟазаразы аҳәынҭқарратә монументалтә комиссиа аилатәара. Уи аҟны Аҧсны актәи ахада Владислав Арӡынба ибаҟа аҟаҵаразы ирылаҳәаз аконкурс алҵшәақәа ирылацәажәан. Уи ашҟа инагаз апроектқәа рыхҧагьы рыдрымкылаӡеит. Убри аҟнытә, ҩаҧхьа аконкурс ҿыц рылаҳәахоит. .

Аҧсны актәи Ахада Владислав Арӡынба ибаҟа аҟаҵаразы жәларбжьаратәи аконкурс рыларҳәеижьҭеи аамҭа маҷымкәа ицахьеит. Раҧхьа уи аҽалархәразы ажәалагалақәа ҟазҵаз рхыҧхьаӡара маҷҩымызт. Аха акомиссиа аилатәараҿы иалырхыз апроектқәа хҧа роуп. Убарҭгьы ирыгу маҷым ҳәа иҧхьаӡаны рыдкылара мап ацәыркит. Избанзар, абаҟа иаанарҧшуазароуп иара идоуҳа, дызнысыз аҭоурыхтә мҩа. Арҭ ахырхарҭақәа зегьы аскульпторцәеи асахьаҭыхыҩцәеи русумҭақәа р ҟны иаарҧшымхеит.

Иӡбатәу зҵаараны иаанхоит Владислав Арӡынба ибаҟа ықәдыргылараны иахьыҟоу Ахақәиҭра ашҭаҿы ибылны игылоу аиҳабыра реилазаара ахыбра. Избанзар макьана еилкаам иара ареконструкциа азыҟарҵо, мамзаргьы идырбго? Уи азҵаара аныӡбахалак анаҩс ауп еиҳа ианымариахо Аҧсны Актәи Ахада ибаҟа аҟаҵарагьы.

Акультура аминистр Гәыдиса Агрба иҳәеит ҳазҭало а мза аҽеиҩшамҭазы аҳәынҭқарратә амонументалтә комиссиа аилатәара шымҩаҧгахо. Усҟан ауп Владислав Арӡынба ибаҟа аҟаҵаразы аконкурс ҿыц анрылаҳәахо. Уи рхы аладырхәырц рылшоит Аҧснытәии, аҳәаанырцәтәии асахьаҭыхыҩцәеи аскульпторцәеи.

Д.Инаҧшьба, Ҭ. Гогохьиа, АТ
  • ТЭГИ:
26.02.2021 37 ПОДСТАНЦИЯ Сухум-2
Между тем, ситуация в энергетической отрасли республики по-прежнему остается сложной.