ААУ аҟны иалагалоуп азанааҭ «Афымцаенергетикеи афымцатехникеи» рхырхарҭа ала.

22.02.2021 42
Жәабран ҩажәи ҩба инаркны Аҧснытәи аҳәынҭқарратә университет аҟны латәарадатәи аҟәша «Афымцаенергетикеи афымцатехникеи» рхырхарҭала аҩбатәи азанааҭ аиуразы адокументқәа рыдкылара иалагеит.Ари аҩыза ажәалагала ҟарҵеит Амшынеиқәа афымцамч анапхгара.Аӡәгьы изы имаӡам аиҳаркгьы аҵыхәтәантәи аамҭазы ,афымцамч ахырхарҭала иҟоу ауадаҩрақәа ртәы.Иахьатәи аамҭазы арзаҳалқәа аларҵахьеит аа-ҩык.

Аӡәгьы изы имаӡам, ҳтәылаҿы афымцамч аҭагылазаашьа акыр ишыуадаҩу. Ҳаамҭазы ари ахырхарҭаҿ аҭагылазаашьа аиҕьтәразы имҩаҧгатәу аусқәа рацәоуп, насгьы урҭ ззанааҭ иазҟазо аспециалистцәа адыҧхьалатәуп. Уи хықәкыс иҟаҵаны, Амшынеиқәафымцамч анапхгара Аҧснытәи аҳәынҭқарратә университет ахь аҳәара ҟарҵеит «Афымцаенергетикеи афымцатехникеи» рхырхарҭала арҵаратә гәыҧ аадыртырцаз. Арзаҳалқәа ралаҵара актәи амш азы ашәыҟәқәа аларҵеит аа-ҩык. Даур Ҷыҭанаа Иреиҳау аҵараиурҭа далгахьеит аекономист изанааҭ ала. Бжьышықәса ҵуеит афымцамч аганахь ала аус иуеижьҭеи.

Иазгәаҭатәуп, Аҧснытәи аҳәынҭқарратә университет аҿы раҧхьаӡа акәны ари азаанаҭ алазгалаз Аҧсны зҽаҧсазтәыз афымцаусзуҩ Гиви Миқаа шиакәу. Убри аахыс агро-анџьныртә факультет имаҷҩымкәа аспециалистцәа аенергетикцәа аунажьхьеит.

«Афымцаенергетикеи афымцатехникеи» рхырхарҭала аҵара зҵо астудентцәа атеориа инаваргыланы, апрактикатә зыҟаҵарақәа ирыхрыжьуеит. Иахьазы ари азанааҭ аганахь ала аҵара рҵоит ҧшьынеижәи ҩыџьа-ҩык, жәафҩык сынтәа рҵара хдыркәшоит.

ААУ алаҳәара ҟанаҵоит, жәабран ҩажәи ҩба инаркны хәажәкыра хәбанӡа аҩбатәи азанааҭ аиуразы агәаҳәара змоу зегьы, алшара шрымоу “Афымцаенергетикеи афымцатехникеи» рхырхарҭала ала арзаҳалқәа ралаҵараз. Уи азы иаҭаху аинформациа зегьы шәоур шәылшоит Аҧснытәи аҳәынҭқарратә универститет асаит аҟны.

Шьазина Ханагәуаҧҳа. Михаил Братухин АТ


  • ТЭГИ:
26.02.2021 37 ПОДСТАНЦИЯ Сухум-2
Между тем, ситуация в энергетической отрасли республики по-прежнему остается сложной.