Хәажәкыра мза жәабанӡа русура аҟынтәи рхы иақәиҭуп хынҩажәа шықәса ирҭысхьоу арҵаҩцәа .

22.02.2021 22
Аҧсны Ахада Аслан Бжьаниа идҵаҟаҵара инақәыршәаны ,хәажәкыра мза жәабанӡа русура аҟынтәи рхы иақәиҭуп хынҩажәа шықәса ирҭысхьоу арҵаҩцәа . Убри аан, урҭ руалафахәы рызныжьуп.Аамҭала ари аус иадыҧхьалоуп Аҧснытәи аҳәынҭқарратә университет астудентцәа. Ҳкорреспондетцәа Аҟәа ақалақьтә школқәа рҿы аҭыхрақәа мҩаҧыргон.

Ақəҵара инақəыршəаны , 60 шықәса ирҭысхьоу арҵаҩцәа ирымоуп азин аҩны аангыларазы. Аха иҳәатәуп, хатәгәаҧхарала аусура аҭыҵра зҭаху мап шырцәырымкуа. Убри аан ирыҩуеит арзаҳал аҭакҧхықәра рхахьы ишырго ала . Убас, Аҟәатәи ажәабатәи ашкол аҿы зҧышәа рацәоу,хынҩажәа шықәса ирҭысхьоу ҩажәи жәҩык арҵаҩцәа ыҟоуп.

Аусура иҭымҵыз арҵаҩцәа рыҧсахразы, Аҧснытәи аҳәынҭқарратә университет аҟынтәи апрактикантцәа аашьҭуп. Урҭ аҧышәа змоу аҩны иҟоу арҵаҩцәеи дареи еимадоуп.
Б. Шьынқәба ихьӡ зху актәи абжьаратә школ аҿы быжьшә-ҩык инареиҳаны ахәыҷқәа ҭоуп. Аиҵбыратәи аиҳабыратәи аклассқәа зынӡа еиқәымшәо аурокқәа еиҿкаауп. Рыҩналарҭақәа хаз-хазуп. Хынҩажәа шықәса ирҭысхьоу арҵаҩцәа ракәзар ,жә-ҩык ыҟоуп.

Пушкин ихьӡ зху аҩбатәи ашкол аҟны ҩажәа-ҩык зықәра иҭысхьоу арҵаҩцәа ыҟоуп, аха ашкол адиректор Ирина Повирскер лажәақәа рыла, арҵаҩцәа зегьы аусура иҭыҵхьеит.
Хәажәкыра жәабанӡа русура аҟынтәи рхы иақәиҭуп хынҩажәа шықәса ирҭысхьоу арҵаҩцәа. Аҧсны Ахада идҵа инақәыршәаны ,дара зегьы руалафахәы шроулац ироулоит. Аҟәа ақалақь аҵараусбарҭа аиҳабы Асҭанда Ҭаркьылҧҳа иазгәалҭеит, аиҳабыратәи абиҧара иаҵанакуа арҵаҩцәа ргәабзиара ашәарҭара иҭадмыргыларц азы аҩны иҟазаарц рылшоит,убри аан ауалафахәы шроуц ироулоит,аҧкрақәа ыҟанаҵы.

Аҳҭнықалақь ашколқәа зегьы рҟны иахәҭоу асанитартә нормақәа ирықәныҟәоит. Ахәыҷқәа ахыбра иҩналаанӡа ршоура гәарҭоит, рнапқәа антисептикқәа рықәырҭәоит. Уажәраанӡа ашколқәа рахь аиҵбыратә классқәа ракәызҭгьы ицоз, иҳәатәуп, жәабран ҩажәи ҩба инаркны аиҳабыратә классқәагьы ашкол ахь ишдәықәлаз.

Лаура Қаҧшьҧҳа, Саид Агәхаа, Аҧсуа телехәаҧшра
  • ТЭГИ:
26.02.2021 37 ПОДСТАНЦИЯ Сухум-2
Между тем, ситуация в энергетической отрасли республики по-прежнему остается сложной.