Аҧсны аҧыза-министр аамҭала и.н. В.Делбеи аҵареи абызшәатә политикеи рминистр И. Габлиеи Тқәарчал ақалақь аҿы аҵара процесс шеиҿкаау еилыркаауан.

22.02.2021 27
Аҧсны аҧыза-министр аамҭала инапынҵақәа назыгӡо Владимир Делбеи аҵареи абызшәатә политикеи рминистр Инал Габлиеи Тқәарчал ақалақь аҿы аҵара процесс шеиҿкаау еилыркаауан.
Тҟәарчалтәи актәи абжьаратә школ аҿы акарантин ашьҭахь зҵара еиҭахацзыркыз дыруаӡәкуп ажәабатәи акласс аҵаҩы Ариана Џьынџьалҧҳа. Аҭыҧҳа иазгәалҭоит ашкол шыгәхьаалгоз.

Ари ашкол аҿы аҵара рҵоит шәи ҧшьынҩажәа ҩык инареиҳаны аҵаҩцәа. Аклассқәа дуӡам, урҭ рҿы аҵара зҵо ҩажәа ҩык иреиҳаӡам. Ашколхәыҷқәа рҵара апроцесс асанитартә ҧҟарақәа ирықәшәо еиҿкаауп.

Ахыхьчагатә маҭәахәқәа, аклассқәа рҿы аҧхарра ахьынӡаҟоу,арҵаҩцәеи аҵаҩцәеи ргәабзиара зеиҧшроу уҳәа ашкол аҿы аҵара процесс аиҿкаара иадҳәалоу зегьы еилыркаауан Аҧсны аҧыза-министр аамҭала инапынҵақәа назыгӡо Владимир Делбеи аҵареи абызшәатә политикеи рминистр Инал Габлиеи.Ашкол аусзуҩцәа ирҳәеит, уажәы акрыфарҭа шарку, аха убраҟа ахәыҷқәа зыцҳаша акы ҟаҵаны анаҩс хыхь ихагаланы, рызшара азин ҟалар ус иҟарҵарцгьы шырҭаху. Афымцалашара акәзар ,уи ақәыҕәҕәара ахьылаҟәу иахҟьаны ,арҧхагақәа рымчхара маҷуп. Ашкол аҿы апартақәеи ашәҟәқәеи рызхом.

Ашкол аусзуҩцәа ирҳәеит, аклассқәа зламаҷу ала мчыбжьык ахь фымш ракәымкәа хәымш аҵара рҵаларц ажәалагала шыҟарҵо.

Баграт Шьынқәба ихьӡ зху Тҟәарчалтәи аҧшьбатәи абжьаратә школ аҿы акәзар, ҩышәи ҩыџьа ҩык аҵара рҵоит. Сменак ауп иҟоу. Ашкол аҩналарҭа аҿы антисептикқәа ықәгылоуп, иҩнало ршоура ршәоит. Сынтәа ари ашкол иалгоит жәеизаҩык аҵаҩцәа. Дара иаҳзеиҭарҳәеит аҧхьаҟа гәҭакқәас ирымоу.

Ари ашкол аҿгьы афымцалашара иацу ауадаҩрақәа рныруеит. Уи инаҷыданы аспортзал аҿы аиҭашьақәыргыларатә усурақәа мҩаҧгатәуп. Анаҩс атәыла анаҧхгара рхаҭарнакцәа мҩахыҵит ахәыҷбаҳча «Џьамхәыхә» ахь. Арахь ҩынҩажәи жәиҧшь-ҩык ахәыҷқәа ныҟәоит. Х-гәыҧк ыҟоуп. Ахәыҷқәа рыҧсшьара аамҭа ҳақәшәеит, аха ахәыҷбаҳча аусзуҩцәа еиҭарҳәеит асанитартә нормақәа ишрықәныҟәоу. Ирҳәеит, ахәыҷқәа рнапқәа шырыӡәӡәо мамзаргьы антисептик ала ишыдрыцқьо, ршоура шыршәо, гәыҧ цыҧхьаӡа рхатә крыфарҭа шрымоу. Ирыгу иалацәажәо ирҳәеит, ахәыҷқәа рзы ахәмаргақәа шырҭаху. Тҟәарчал изҭааз арҵаратә усҳәарҭақәа рҿы аҭагылазаашьа зеиҧшроу еихишьаалеит Аҧсны аҵареи абызшәатә политикеи рминистр Инал Габлиа.

Иара убас, атәыла анапхгара рхаҭарнакцәа аҭааны ирбеит Тҟәарчал зыргылара иаҿу аџьармыкьа. Ҳазҭагылоу аамҭазы уи аиҭашьақәыргылара азы аусурақәа аанкылоуп.

Амра Зарандиаҧҳа, Алықьса Баструков, АТ
  • ТЭГИ:
26.02.2021 37 ПОДСТАНЦИЯ Сухум-2
Между тем, ситуация в энергетической отрасли республики по-прежнему остается сложной.