Аҧсны акультура аминистр Гәдиса Агрба иаҧшьгарала ихацыркхеит «Ахәыҷқәа рзы акультура» захьӡу апроект.

13.01.2021 17
Аҧсны акультура аминистр Гәдиса Агрба иаҧшьгарала ихацыркхеит «Ахәыҷқәа рзы акультура» захьӡу апроект. Уи ҳәаақәнаҵоит апроект Аҧсны агәадура . Ахәыҷқәа ралҧшаараҿы ацхыраара ҟанаҵоит агәыҳалалратә-уаажәларратә еиҿкаара «Кьараз». Еиҳарак зсоциалтә ҭагылазаашьа хьысҳау ахәыҷқәа роуп апроект ахь иааҧхьахо.

Ахәыҷқәа рзы акультура захьӡу апроект раҧхьатәи асас Камилла Квирнаӡе жәаҩа шықәса лхыҵуеит. Лара дзиндырыҩхарц лҭахуп, аха убри лыкәша-мыкәша иҟоу зегьы аинтерес лызцәырнагоит. Иахьа лара илҭаххеит Аҧснытәи Аҳәынҭқарратә драматә театр даҭаарц. Аекскурсиагьы лзымҩаҧигеит агәыҳалалра ацҳаражәҳәаҩ, Аҧсны акультура аминистр Гәдиса Агрба. Иара Камилла илзеиҭаиҳәеит аҧсуа драматә театр ҳкультуратә ҧсҭазаараҿы иааннакыло аҭыҧ. Уи моу атеатр асцена ду, актиорцәа еиуеиҧшым аспектакльқәа ахьықәдыргыло, рҽахьазыҟарҵо, агримҟаҵарҭа,амаҭәакнаҳарҭа уҳәа абарҭ зегьы Камилла лыблала илбартә еиҧш аҭагылазаашьа лыман. Даара узыргәырҕьо иаразнак ублахь иааиуа акоуп Германиатәи ҳџьынџьуаҩ Џьем Азак аҧсуа театр иаиҭаз аҳамҭа- ароиаль. Камилла лцаныррақәа ҳацеиҩшо иҳалҳәеит зегь реиҳа илгәаҧхаз, лгәалашәарақәа рҿы иаанхо ишыруаку атеатр асцена ду.

Иазгәаумҭарц залшом, Камилла шаҟа хшыҩзышьҭрала атеатр аҭоурых дазыӡырҩуаз. Лажәа иалаҵангьы илҳәеит шаҟа ибзиаз сҩызцәагьы абас еиҧш аекскурсиа иалахәхар ҳәа, уи адагьы лара дзиндырыҩхарц лҭахызҭгьы уажәшьҭа длак-ҩакуа далагеит. Ари апроект аидеиа зтәу Аҧсны акультура аминистр Гәдиса Агрба анаҩсгьы хаҭала ахәыҷқәа ирзеиҭеиҳәалоит акультуратә ҭынхақәа рҭоурых, ҳтәылазы урҭ иааныркыло аҵакы атәы.

Апроект “Ахәыҷқәа рзы акультура” анаҩсгьы иацҵахоит. Ҳтәыла еиуеиҧшым аҭоурыхттә ҭынхатә аобиектқәа ахәыҷқәа рыблала ирбарц, урҭ агәыбылра дыркразы.

Лаура Қаҧшьҧҳа, Ҭамаз Чқәан, АТ
  • ТЭГИ:
15.01.2021 36 В период пандемии, возникает необходи...
А как обстоят дела с наличием необходимых медпрепаратов в аптеках?