Атәыла афымца амчхара асистема ақәыҕәҕәара шамац иаанхоит.

13.01.2021 21
Ҳтәыла аҿы афымцамч аҭагылазаашьа аиҕьтәразы аиҳабыра ауснагӡатәқәа жәпакы шрыдыркылахьоугьы афымцамч иамоу ахархәара иахьынӡахәҭоу иагымхац. Амаиниг фермақәа ицәырыргаз ауадаҩрақәа шыҟац иаанхоит.

Ҳтәылазы ипроблема духаз, ауаажәларраҿ агәынамӡара ҕәҕәа зхылҿиааз амаинингтә мыругақәа ралкаареи урҭ раҿыхреи рзы имаҷымкәа аусурақәа мҩаҧгоуп. Аха, убас шакәугьы, афымцалашара ахархәара аамҭак азы иагхозаргьы, нас дырҩегь арбагақәа ирыцлоит. Иҟоуп азинхьчаратә усбарҭақәа рхаҭарнакцәа зусура ааныркыло амаинингтә фермақәа хара имгакәа ҿыц ианаҿаркуа. Убри алагьы ақәыҕәҕәара еиҳахоит. Ашықәс ҿыц аламҭалаз аинтернет ахархәара азы иалагалаз аҧкрақәагьы амаинерцәа аанамкылеит. Дара ишырҭахыз уи азҵаара аӡбарагьы рылшеит.

Аферма дуқәа змоу раасҭа зхыҧхьаӡара маҷны иззықәгылоу амаинерцәа ралкаара еиҳа иуадаҩуп.

Ҳазҭагылоу аамҭазы ҳтәыла аҿы афымцалашара графикла идырцәаӡом. Аха афымцаеихшарҭақәа рҿы иазҧхьагәаҭам апроблемақәа анцәырҵлак, ҭыҧқәак рҿы уи ырцәатәхоит.Убри азы ауп ауааҧсыра ргәырҽанӡамкәа фымцалашарада изаанхо,- ҳәа азгәарҭоит Амшынеиқәафымцамч аусзуҩцәа.

Ҳазҭагылоу аамҭазы ҳтәыла ауааҧсыра афымцамч роуеит Егрынтә еиҧш Урыстәылантәгьы. Аха ажьырныҳәа ҩажәа рзы, ишазгәаҭоу еиҧш, Егрытәи афымцастанциаҿ аиҭашьақәыргыларатә усурақәа ирылагар – усҟан алашара Урыстәылантә иҳаулоит.

Абасала, макьаназ атәыла афымца амчхара асистема ақәыҕәҕәара шамац иаанхоит. Уи ҭышәныртәаламзар - аҧхьаҟа афымцалашара аус аҿы иҟоу апроблемақәа ирыцымлозар ирыгхаӡом,- ҳәа азгәарҭоит аспециалистцәа.

Амра Зарандиаҧҳа, Инал Агәхаа, АТ
  • ТЭГИ:
15.01.2021 36 В период пандемии, возникает необходи...
А как обстоят дела с наличием необходимых медпрепаратов в аптеках?