Ҳтәылаҿы ачымазара ҿкы аларҵәара амаиурц азы аҧкрақәа ирыцҵоуп.

13.01.2021 25
Ҳтәылаҿы акоронавирустә ҿкы зыхьуа рхыҧхьаӡара еиҳа еиҳа иацлоит. Уи агәҭынчымра узцәырнамгар залшом. Ачымазара аларҵәара маиурц азы Аҧсны ахада Аслан Бжьаниа адҵаҟаҵара инапы аҵаиҩит. Уи инақәыршәаны, аҧкрақәа ирыцҵоуп жәабран мза жәабанӡа. Уаҟа ишаҳәо ала ауаарацәа ахьеизо аҭыҧқәеи ауаажәларратә транспорти рҿы зегьы асабрадақәа ныҟәыргалароуп. Акрыфарҭақәеи, ауаажәларратә транспорти, аџьармыкьеи, адәқьанқәеи рҿы есыҽны иахәҭоу арыцқьарақәа мҩаҧыргалароуп.

Ҳтәылаҿы ачымазара ҿкы аларҵәара амаиурц азы аҧкрақәа ирыцҵоуп.Урҭ инарықәыршәаны ауаарацәа ахьеизо аҭыҧқәеи ауаажәларратә транспорти -автобусқәа, атроллеибусқәа, амаршруттә таксиқәа рныҟәцаҩцәеи апассаџьырцәеи ахалахыхьчагатә маҭәарқәа ныҟәыргалароуп. Арныҟәцаҩцәа ражәақәа рыла, асабрада рхамкәа аӡәгьы амашьына аҭалара азин ирҭаӡом.

Шьыжьнаҵы ауаажәларратә транспорт арныҟәцаҩцәа рмашьынақәа адизинфекциа иахрыжьуеит. Анаҩс ауп, аусура ианҭыҵуа. Амашьынақәа рҿы иадырҷаблоуп апассаџьырцәа асабрадақәа хымҧада иныҟәыргалар шакəу атәы ргәалазыршәо абҕьыцқәа. Арныҟәцаҩцәа еиқәыршәоуп асабрадақәа рыла, измам ирырҭаларц.

Аҧсны Ахада идҵа инақәыршәаны, араион ахадарақәеи асанитартә епидемеологиатә станциақәеи ишьақәдыргылароуп аџьармыкьақәа русура аграфик. Убас ,Аҟәа ақалақь ахада ишьақәиргылеит аџьармыкьа хадеи ахәҳахәҭратә ҩны «Сухумприбори»рграфик,урҭ аус рулоит мчыбжьык ахь ҩынтә еивыганы. Аџьармыкьа хада аус аулоит аҧшьашеи асабшеи, «Сухумприбор» - аҩашеи амҽышеи. Аҧсны Аҳәынҭқарра Ахада Аслан Бжьаниа идҵа инақәыршәаны, ақьафурҭақәа, акаҳуажәырҭақәа, уҳәа русура аанкылазароуп. Аха, убри аан акрыфарҭатә обиектқәа аус рур алшоит афатә ҿаҵаны изго рзы. Аҧацха «Абаза» аҿы излаҳарҳәоз ала ,иахьа дара русура ааныркылеит.

Иахьазы акаҳуажәырҭақәа Бариста, Лофт,Чагьам аус руеит афатә ҿаҵаны аҩныҟа изго рзыАҩналарҭақәа рҿы иҷабуп абҕьыцқәа русура шеиҿкаау атәы зҳәо. Аусура аанкылоуп аресторан Абхазиа, иара убас аҧацха «Нарҭаа». Ақәҵара еилаган акаҳуажәырҭа Доль Чевита аҿы. Араҟа ҳҭыхрақәа анымҩаҧаҳгоз аҭааҩцәа ыҟан.

Ауаарацәа ахьеизо аҭыҧқәа рҿы ихымҧадатәуип асанитартә нормақәа рықәныҟәара. Аҭыҧантәи адәқьанқәа рҿы урҭ аҧҟаррақәа иахьынӡарықәныҟәо аилкааразы раҧхьа ҳамҩахыҵит адәқьан «Волна» ашҟа. Аҩналарҭаҿы игылоуп антисептик, икыдуп асабрада шныҟәгатәу атәы зҳәо абҕьыцқәа.

Адәқьан Алиса аҿы аҭыхрақәа анымҩаҧаҳгоз аҭааҩцәа маҷын, асанитартә ҧҟарақәа ирықәныҟәон. Адәқьан Абырлаш аҩналарҭаҿы иҷабуп асабрада шныҟәгатәу атәы ргәалазыршәо абҕьыцқәа. Араҟа аҭиҩцәа излаҳарҳәаз ала, иахәҭоу аҧҟаррақәа зегьы ирықәныҟәоит.

Адунеи атәылақәа жәпакы рҿы ачымазара ҿкы аламырҵәаразы ауаажәларратә ҭыҧқәа рҿы асабрадақәеи, ахыхьчагатә маҭәарқәа рныҟәгареи хымҧадатәиуп. Уи азынҳәан аҳәынҭқарра аҟынтәи ақәҵара рҭахӡам, ауааҧсыра рыхдырра ирыҵанаҳәоит. Иахьа ачымазара ҿкы аҽацәыхьчаразы, уи аиааиразы, ҳааигәа-сигәа иҟоу ауаа ргәабзеираз иахьынӡауа иазҧхьагәаҭо аҧҟаррақәа ҳрықәныҟәалар ауп, излауа ала абжьааҧынтәи аҧсҭазаара мап ацәаҳкроуп.

Шьазина Ханагәуаҧҳа, Ҭемыр Гогохьиа, АТ
  • ТЭГИ:
15.01.2021 36 В период пандемии, возникает необходи...
А как обстоят дела с наличием необходимых медпрепаратов в аптеках?