Уаанӡа иалагалаз аҧкрақәа ҩаҧхьа иахьрыцҵо азы, ҳауаажәлар рыбжьара ицәырҵит еиуеиҧшым агәаанагарақәа.

12.01.2021 22
Ажьырныҳәа мза жәеиза рзы атәыла ауааҧсыра ачымазара ҿкы рацәыхьчаразы акоординациатә штаб аилатәараҿы аҧкрақәа рыҿҳәара ацҵареи асанитартә ҧҟарақәа рырҕәҕәареи ирыҵаркуаз азҵаатәқәа ирылацәажәан. Уи зыхҟьазгьы аҵыхәтәантәи аамҭазы аепедимиологиатә ҭагылазаашьа ахьеицәахаз ауп.

Уаанӡа иалагалаз аҧкрақәа ҩаҧхьа иахьрыцҵо азы ҳауаажәлар рыбжьара ицәырҵит еиуеиҧшым агәаанагарақәа. Иҟоуп асанитартә нормақәа рырҕәҕәара хымҧадатәиуп ҳәа изыҧхьаӡо,аха убри аан иарбоу апунктқәа рыхәҭак маҷк ирҧсыҽтәуп ҳәа згәы иаанагогьы маҷым. Аҵыхәтәантәи амшқәа рзы асоциалтә ҳақәа рҿы уи аҵыхәала ацәажәарақәа еиҳагьы ирацәахеит. Еиуеиҧшым ахеилакқәеи ауаажәларреи ҳтәыла анапхгара рахь ааҧхьара ҟарҵоит ,аҧкрақәа хымҧада ишрыцҵатәу,насгьы ишырҕәҕәатәу азы.

Ҳреспубликаҿы аепидемиологиатә ҭагылазаашьа еиҳагьы иуадаҩхеит. Ковид зеижә зцәа иалоу ауааҧсыра рхыҧхьаӡара ес-ҽны иацлоит. Уи иахҟьаны зыҧсҭазаара иалҵуа маҷӡам. Ҳтәыла ауааҧсыра агәҽанызаара аадмырҧшыр, акарантинтә ҧҟаррақәа рықәныҟәара иаламгар, ҳҳәынҭқарра иазоунажьуа аҧарагьы, ачымазара иаҿагыло аҳақьымцәагьы ари аҭагылазаашьа изаиааиуам. Уи атәы еилызкаауа ҳауаажәларра рхаҭарнакцәа ргәаанагарақәа ҳарҳәеит/

Ҳтәыла ауааҧсыра ачымазара ҿкы рацәыхьчаразы акоординациатә штаб даҽазнык ааҧхьаара ҟанаҵоит иалагалоу аҧкрақәа хырҩа арымҭаларц,иныҟәыргаларц асабрақәа,ирықәныҟәаларц аҧҟарақәа зегьы.

Лаура Қаҧшьҧҳа, Ҭамаз Чқәан, АТ.

  • ТЭГИ:
15.01.2021 36 В период пандемии, возникает необходи...
А как обстоят дела с наличием необходимых медпрепаратов в аптеках?