Аҧснытәи аҳәынҭқарратә университет аҿы еиҿкааз Москватәи аҳәынҭқарратә университет ацентр аҳәаақәа ирҭагӡаны имҩаҧыргоит еиуеиҧшым аекспедициақәа. Сынтәа агеоморфологиатә ҭҵааарқәа ирызкын . Мчыбжьык иалагӡаны Аҧсны мрагыларатәи ахәҭа аҧшаҳәақәа ҭырҵаауан . Анаукатә експедициа рхы аладырхәт 50-ҩык инареиҳаны астудентцәеи аҵарауаа қәыҧшцәеи. Аекспедициақәа рҵаки рымҩаҧысшьеи еилылкаауан Фатима Гьергьиаҧҳа .