Ишьақәырҕәҕəоу арзаҳалқәа рыла, аинвалидцәа 195 нызқь мааҭ инареиҳаны аҧара рзоужьхоит.

15.10.2020 290
Ишьақәырҕәҕəоу арзаҳалқәа рыла, аинвалидцәа 195 нызқь мааҭ инареиҳаны аҧара рзоужьхоит. Абри азы аӡбамҭа рыдыркылеит иҳәынҭқарратәу ибиуџьеттәым аинвалидцәа рфонд иҩаҧнагаз изаамҭанытәу аилатәараҿы. Уаҟа ирыхуаҧшуан аинвалидцәа ргəабзиара аиҭашьақәыргыларазы Аҧсны анҭыҵ рышьҭра иадҳәалоу азҵаарақәа. Иахьатәи аамҭазы афонд аҿы агәаҭарақәа ирҿуп, иҟаз аилагарақәуа раарҧшразы. Афонд анапхгаҩцәа ражәақәуа рыла, анаҩс еилкаахо алҵшәақәа рзы аинформациа ажәлар рҟынӡа инагахоит.

Мчыбжьык ахь знык 1992-93 шықәсазтәи Аџьынџьтәылатә еибашьра афонд анапхгара имҩаҧнагоит изаамҭанатәу аилатәара . Амшхәаҧштә аҿы иқәгылан ацхыраара зҭатәу аинвалидцәа рызҵаара абарҭ ахырхарҭақәа рыла – аҧсшьара, астоматологиатә , астационартә хәышәтәрақәеи , иара убасгьы Урыстәыла анҭыҵ аҽыхәыштәреи . Асанаториатә хәышәтәразы арзаҳалқәа алазҵахьаз , урҭ уажәазы ирмыхәаҧшӡеит.

Афонд анапхгара ражәақәа рыла, ҳазну аамҭазы афонд ауал ақәӡам ҳтәылаҿы еиҧш , уи анҭыҵгьы . Уи аусура аанкыламызт апандемиа аныҟала инаркны иахьа уажәраанӡагьы . Жәы-мзы рыҩныҵҟа ҩышәи ҩажәи ҩыџьа-ҩык ацхыраара рыҭан , ахарџь иартәеит хә- миллионки бжаки .

Афонд анапхгара ражәақәа рыла, ирыдыркыло арзаҳалқәуа зегьы иаҧҵоу акомиссиа ишьақәнарҕәҕәоит . Уи иалоуп Аҧсны агәабзиарахьчареи , атәылахьчареи , адемографиатә политикеи асоциалтә еиқәыршәареи , афинансқәеи рминистррақәа рхаҭарнакцәа, иара убасгьы аинвалидцәа рфонд анапхгара.

Акомиссиа алахәыла, Аҧсны агәабзиарахьчара аминистр ихаҭыҧуаҩ Алхас Конџьариа иажәақәа рыла, иахьа ирыдыркылаз арзаҳалқәа аилагарақәа рымаӡам , ишьақәырҕәҕәатәуп ҳәагьы азиҧхьаӡеит .

Иахьатәи аамҭазы афонд рымаҵ ауеит х-нызқь-ҩык инарзынаҧшуа аинвалидцәа . Еиҭашәгәалаҳаршәоит , фы-мз раҧхьа афонд аҿы агәаҭарақәа шхацыркыз .Уи зыхҟьаз , аҵыхәтәантәи аамҭазы афонд иадҵаало аинвалидцәа рхыҧхьаӡара иааџьоушьаратәы иахьацлаз ауп. « Уи агәыҩбара цәырнагеит. Агәаҭарақәа макьанагьы ихыркәшаӡам. Урҭ рылҵшәақәа иаарласны амассатә информациа ахархәагақәа ирылаҳҳәараны ҳаҟоуп» - рҳәеит афонд анапхгара .


Дениза Гьергьиаҧҳа , Ельдар Дамиров , Алықьса Агәхаа .АТ.


  • ТЭГИ:
20.10.2020 37 РАБОТА СЭС
С 18 октября санитарно – эпидемиологическая служба Абхазии увеличила количество исследований на коронавирусную инфекцию в сутки.
20.10.2020 26 Первые пациенты в военном госпитале
Российский мобильный госпиталь, расположившийся на территории пансионата «Айтар», принял первых пациентов с коронавирусной инфекцией.