Аусура хацнаркит Алада-Урыстәылатәи апарламенттә ассоциациа ҩажәи жәахатәи аконференциа.

15.10.2020 381
Аусура хацнаркит Алада-Урыстәылатәи апарламенттә ассоциациа ҩажәи жәахатәи аконференциа. Уи амҩаҧгара азгәаҭан Волгоградтәи аобласт аҿы, аха акоронавирустә чымазара инамаданы уи авидео еимадара ала имҩаҧган. Аҧсны Жәлар Реизара жәохә шықәса ҵуеит уи ассоциациа иалоужьҭеи ассациациатә лахәыла иаҳасаб ала.
Алада Урыстəылатəи апарламенттә ассоциациа ҩажәи жәахатәи аконференциа актәи амш азы аусура иалахәын акомитетқәа ааба. Урҭ рхаҭарнакцәа агәабзиарахьчара, асоциалтә политика, аҭҵаарадырра, акультура, ақыҭанхамҩа уҳәа ирызку азакәанапроектқәа аиҭакрақәа ралагалареи хырхарҭала еиуеиҧшым ааҧхьарақәеи ирзааҭгылеит.
Аиҭакрақәа злагалатәу азакуанпроектқәеи ааҧхьарақәеи рзы ргәаанагарақәа рҳәон авидео еимадара иалахәыз, анаҩс уи азы рыбжьы рҭиуан. Алада Урыстәылатәи апарламенттә ассоциациа Аҧсны Жәлар реизара ассоциациатә лахәыла иаҳасаб ала ауп ишалоу.

Асоциалтә политикеи, аџьеи, агәабзиарахьчареи рзы акомитет аусура аан ирзааҭгылеит азҵаарақәа быжьба. Аха зегь реиҳа азҿлымҳара аиуит ахәшәқәеи амедицинатә маҭәахәқәеи изакәанымкәа рҭыжьреи, Урыстәылаҟа рҭагалареи,рыҭиреи рзы ашьауҕатә ҭакҧхықәра арҕәҕәара.

Алада-Урыстәылатәи апарламенттә ассоциациа аҧҵан ҩнызқьи акы шықәсазы.Иахьатәи аамҭазы уи алахәылацәа иреиуоуп Ҟрымтәи аҳәынҭқарратә хеилак, Краснодартәи атәылаҿацә азакәанҧҵаратә еизара, Астрахантәи аобласт адума уҳәа егьырҭгьы. Аҧсны Жәлар Реизара апарламенттә ассоциациа иалалеит ҩнызқьи хәба шықәсазы.
Авидео еимадара ала имҩаҧысуа Алада-Урыстәылатәи апарламенттә ассоциациа ҩажәи жәахатәи аконференциа ҩымш имҩаҧыслоит.

Амра Зарандиаҧҳа, Ҭемыр Гогохьиа, АТ
  • ТЭГИ:
20.10.2020 41 РАБОТА СЭС
С 18 октября санитарно – эпидемиологическая служба Абхазии увеличила количество исследований на коронавирусную инфекцию в сутки.
20.10.2020 28 Первые пациенты в военном госпитале
Российский мобильный госпиталь, расположившийся на территории пансионата «Айтар», принял первых пациентов с коронавирусной инфекцией.