Аҩныҵҟатәи аусқәа рминистрра аусзуҩцәа иахьа агәаҭарақәуа ирыцырҵеит.

15.10.2020 111
Аҩныҵҟатәи аусқәа рминистрра аусзуҩцәа иахьа агәаҭарақәуа ирыцырҵеит. Дара аҭааит Аҧснытәи аҳәынҭқарратә университет. Астудентцәеи арҵаҩцәеи ҩаҧхьа ргәы рҽанырҵеит ачымазара алармырҵәаразы аҧҟарақәуа рықәныҟәара шхымҧадатәиу. Убасгьы игəарҭеит ауаажәлраатә транспорт аҿы аҭагылазаашьа зеиҧшроу. Иара убас ақалақь ахада амилициа аусзуҩцәа дрыцны аџьармыкьа хадаҿы агәаҭарақәа мҩаҧигеит. Ачымазара ҿкы аламырҵәаразы ауааҧсыра ирылшо шмаҷым- иҳәеит Беслан Ешба.

Аҧсны аҩныцҟатәи аусқәа рминистрра шьыжьнаҵы Аҧснытәи Аҳәынҭқарратә университет аҿы агәаҭарақәуа мҩаҧыргон. Уаҟа ҩ-гәыҧкны аус руан. Гәыҧк ауниверситет ахь иаауаз амаршруттә таксиқәа акарантинтә ҧҟарақәа иахьынӡарықәныҟәоз еилыркаауан. Амашьынарныҟәцаҩцәеи, астудентцәеи асабрадақәа зҿамыз ирырҭон , ҳазҭагылоу аамҭазы уи аныҟәгара, шхымҧадатәиу деилдыркаауан. Уи аус ҷыдала дахылаҧшуан Аҧсны аҳәынҭавтоинспекциа аиҳабы Баҭал Агрба. Аҩбатәи агәыҧ аус ауан Ауниверситет ахыбраҿы. Уаҟа , амилициа аусзуҩцәа асабрадақәеи анапҭарҧақәеи рхаҵаны, иҩналоз зегьы аҧҟарақәа ишрықәныҟәо иацклаҧшуан. Уи адагьы, аудиториақәа ирыҩналаны астудентцәеи алекторцәеи аҧҟарақәа иахьынӡарықәныҟәо гәарҭон, иахьаҭахыз даҽазныкгьы ргәырҽанырҵон.

Астудентцəа ракəзаргьы, ибзиаӡаны еилыркаауеит арҭ аҧҟарақәа рықәныҟәара шаҭахыу. Убри аҟнытә, асабрадақәуа рҿоуп, лассы-лаасы рнапкқәуа антисептик ақәырҭәоит.

Араҟа рус анынарыгӡа, дара рымҩа хан аҳҭнықалақь аџьармыкьахь ауаажәларратә транспорт арныҟәцаҩцәеи апассаџьырцәеи иалагалоу аҧкрақәа иахьынӡарықәныҟәо аилкааразы. Раҧхьаӡагьы иназыдгылаз атақсиқәа рныҟәцаҩцәа ракәын. Урҭ ражәақәа рыла, апассаџьырцәа уажәшьҭоуп ибзиаӡаны еилыркаауа ианалага асабрадақәа рныҟәгареи, адистанциа рыбжьаҵаны атәареи шаҭаху.

Атаксиқəа рықәныҟәара еиҳа имариазар, автобусқәеи амаршруттә таксиқәеи рҿы аҭагылазаашьа зынӡа даҽакуп. Уаҟа адиспетчерцәеи, амашьынарныҟәцаҩцәеи аҧҟарақәа шырдыруагьы иахьынӡахәҭоу ирықәныҟәаӡом. Апассаџьырцәа рхыҧхьаӡара атәарҭаҭыҧқәа рыбжакы иреиҳамзароуп, насгьы асоциалтә дистанциа рыбжьазароуп, аха атәарҭаҭыҧқәа зегьы ҭәын, урҭ рыбжьара иҟан асабрадақәа зҿамызгьы. Аҧсны аҳәынҭавтоинспекциа аиҳабы Баҭал Агрба иҟаиҵаз абжьгарақәа раамышьҭахь, иҟоуп амаршруттә такси иҭыҵыз апассаџьырцәагьы.

Аха абраагьы иазгәаҭатәуп, агәуаҭаратә усмҩаҧгатәқәа раан, Аҟәа ақалақь атранспорттә хеилак адырра злаҟанаҵо ала, аҳҭнықалақь ахадара ақәҵара аҧсахрақәа шалагалоу. Уаҟа ихымҧадатәны ишаанрыжьыз асабрадақәа рныҟәгара, убри аан апассаџьырцәа реидтəалара азин шыҟоу. Иазгәаҭатәуп, агәаҭарақәа цаноҵы иҟан агәынамӡара аазырҧшуазгьы. Аха аҩныцҟатәи аусқәа рминистрра рхаҭарнакцәа ҩаҧхьа иреилдыркаауан арҭ аҧҟарақәа рықәныҟәара шхымҧадатәиу. Иара убас иумҳәар залшом ,Аҟәа ақалақь ахада хаҭала агәаҭарақәа шымҩаҧигаз. Аџьармыкьа дналсны аҭагылазаашьа зеиҧшраз ибеит. Аусзуҩцәа ирабжьеигеит досу рҭаацәа ирызхәыцны рхы мҩаҧыргарц. Абас еиҧш иҟоу агəаҭарақəа анаҩсгьы ирыцҵахоит.

Лаура Қаҧшьҧҳа, Михаил Братухин, АТ

  • ТЭГИ:
20.10.2020 38 РАБОТА СЭС
С 18 октября санитарно – эпидемиологическая служба Абхазии увеличила количество исследований на коронавирусную инфекцию в сутки.
20.10.2020 26 Первые пациенты в военном госпитале
Российский мобильный госпиталь, расположившийся на территории пансионата «Айтар», принял первых пациентов с коронавирусной инфекцией.