Аҧсныи,Кавкази,Урыстәылеи еицырдыруаз,ауаажәларратә усзуҩы,зыҧсадгьыли зыуаажәлари рзы згәы еисуаз.

14.10.2020 135
Аҧсныи,Кавкази,Урыстәылеи еицырдыруаз,ауаажәларратә усзуҩы,зыҧсадгьыли зыуаажәлари рзы згәы еисуаз. Абас изырҳәоит зыҧсҭазаара иалҵыз Тарас Мирон-иҧа Шамба. Аҧсныи уи анҭыҵи инхо аҧсуа милаҭ зегьы ҳзы даараӡа ицәыӡ дууп уи иҟамзаара иҧсадгьыл имилаҭи рахь имаз агәыбылреи абзиабареи ҿырҧштәыс иаҳзынхоит. Иара хаҭала дыздыруаз иҩызцәа гәаблыла дыргәаладыршәоит,иагьалыркаауеит илшамҭақәа.

Зыҧсҭазаара зтәыла анҭыҵ изхызгаз , аха зусқәа зегьы зыжәлар ирзызкыз . Аҧсуа-абаза жәлар рконгресс аҧҵараҿы игылаз. Ауаа бзиа избоз , даргьы бзиа ирбоз . Тарас Мирон –иҧа Шамба дыздыруаз рхаҿы абас даанхеит . Акыр шықәсқәа аус ицзухьаз Гена Ламиа иҳәоит , Тарас Мирон -иҧа иҧсҭазаара акәӡам дзылҵыз , дызлыҵыз ижәлар роуп ҳәа .

Тарас Мирон-иҧа дхәыҷаахыс аҧызара ааирҧшуан . Ашкол данҭазгьы иман ихатә гәаанагара . Аҟәатәи ашьхарыуаа рышкол аҿы аҵара аниҵоз Нестор Лакоба ипатреҭ иманы апарад ахь дцәырҵхьан иҩызцәа дрыцны . Усҟантәи аамҭазы Нестор Лакоба иаахтны иӡбахә аҳәара азин ыҟамызт . Ашкол анапхгара иаб иҟынӡа инаргеит уҷкәын иҟаиҵаз ҳәа.Иаб Мирон Михаил –иҧа иҷкәын лахь ииҭеит.Усҟан Тарас хәыҷы ҭакс абас иҳәеит, Уара уҧсҭазаара уара уақәиҭуп , сара стәы сара сақәиҭызааит ҳәа . Усҟангьы ишьҭиххьан иҧсҭазааратә позициа .
Тарас Шамба Аҟәатәи Ашьхарыуаа рышкол даналга ашьҭахь, дҭалеит Москватәи аҳәынҭқарратә университет. Даныстудентыз инаркны Москва инхоз ҳџьынџьуаа еидикыло далагахьан , М. Горки ихьӡ зху алитературатә инстиут аҿы аҵара зҵоз ҳашәҟәыҩҩцәа ҿарацәеи иареи аиҧыларақәа мҩаҧыргон .Акыр шықәсқәа напхгара ззиуаз Аҧсуа диаспора аиҿкаарагьы урҭ ирылҵшәахеит. 1973 шықәсазы Тарас Шамба дҭалоит ЦК КПСС Ауаажәларратә ҭҵаарадыррақәа ракадемиа аспирантура.

Тарас Шамба аспирантура даналга ашьҭахь ,академиа аректор ус еиҳәеит –Уара Аҧсны ақырҭцәа рполиткатә гәыҧқәа рҿаҧхьа уаҧсыуа националистзаауеит , уаҧхьаҟа ҧеиҧш уоураны уҟаӡам ҳәа. Аха еснагь зхатә гәаанагара змаз Тарас Мирон –иҧа илихыз амҩа дацәхьамҵӡеит.

Аҧсны Аџьынџьтәылатә еибашьра ианалага, актәи амшқәа рзы Нхыҵ Кавказҟа дцеит. Хатәгәаҧхарала еибашьра иаауаз агәыҧқәа реиҿкаараҿы илагала дууп . Дахьнеилакгьы зегьы дырдыруан , ииҳәоз иазыӡырҩуан . Аибашьра ианалагаз еиҿкааз Аҧсуа –абаза жәлар рконгресс дахагылоит , иааиҧмырҟьаӡакәа ҩажәи хәба шықәса аус иуит .Ҳаҭыр зқәу алахәыла ҳәа ахьӡ ихҵан . Тарас Шамба дырҭаахьан ҩажәи жәаа инареиҳаны аҳәаанырцәтәи атәылақәа .Дахьнеилакгьы Аҧсны ахьӡ аӡыргара акәын хықәкыс инаигӡоз .
  
1989 шықәса инаркны 1991 шықәсанӡа СССР жәлар рдепутатс дыҟан . Аҧсны аинтересқәа рыхьчара иадҳәалоу азҵаарақәа рӡыргараҿы илшаз рацәоуп .

Азинхьчаратә ҭҵаарадыррақәа рдоктор, Урыстәылатәи аҳәынҭқарратә ахәаахәҭра-економикатә университет апроректор , Тарас Шамба хышә –наукатә усумҭақәа дравторуп . Д.Гәлиа ихьӡ зху апремиа далауреатын . Аҧсуа ҳәынҭқарра аҿиараҿы илагалеи , Кавказ ажәларқәа реимадарақәа рырҕәҕәарази акыршықәсатәи иџьабааи рзы ианашьан «Ахьӡ-аҧша» аорден актәи аҩаӡара .

Дениза Гьергьиаҧҳа , Михаил Братухин ,АТ.

  • ТЭГИ:
20.10.2020 41 РАБОТА СЭС
С 18 октября санитарно – эпидемиологическая служба Абхазии увеличила количество исследований на коронавирусную инфекцию в сутки.
20.10.2020 28 Первые пациенты в военном госпитале
Российский мобильный госпиталь, расположившийся на территории пансионата «Айтар», принял первых пациентов с коронавирусной инфекцией.