Ҭырқәтәыла иҟоу аҧсуа хеидкылақәа Рфедерациа агәыҳалалратә цхыраара ҟарҵеит.

14.10.2020 66
Ҭырқәтәыла иҟоу аҧсуа хеидкылақәа Рфедерациа агәыҳалалратә цхыраара ҟарҵеит. Хышә нызқь доллар рыхә агәманитартә цхыраара Аҧсны агәабзиарахьчара аминистрраҿы ироуит. Уа иҟоуп ачымазара ҿкы аҿагыларазы ихымҧадатәиу амедицинатә маҭәахәқәеи ахәшәқәеи.

Агәыҳаларатә цхыраараҿы иҟоуп зыхә цәгьоу , зыҧшаара уадаҩу атест системақәа, еиуеиҧшым ахәшәқәа, асабрадақәа, иҷыдоу ашәҵатәы , аҳауа албаадара азыҳәан ицхыраагӡоу амыругақәа уҳәа, иахьатәи ҳазҭагылоу аамҭазы зда ҧсхыуа ыҟам.

Ҭырқәтәыла иҟоу аҧсуа хеидкылақәуа рфедерациа ахаҭарнакцәа агәыҳалаларатә цхыраара аҟаҵара иазхəыцеижьҭе акрааҵуан, иара авирус анцәырҵыз раҧхьаӡатəи амшқәа инадыркны. Аха, ачымазара иахҟьаны , уаҟагьы аҭагылазаашьа акыр иуадаҩын. Убри аҟнытә, ари аҩыза акциа усҟан изалмыршахеит. Аҭагылазаашьа маҷк ианҭышәынтәала, Ҭырқәтәыла иҟоу аҧсуа хеидкылақәа рфедерациа рыгәҭакы нарыгӡеит. Аидара еиқәыршәаны ,Аҧсныҟа иаарышьҭит.

Аҧсны агәабзиарахьчара аминистрра иахәҭоу ақьаадқәа еиқәыршәаны, иааз агәыҳалалратә цхыраара дәықәырҵоит Гәдоуҭатәи аковид госпиталь ахь , иара убас ари ацхыраара рызшахоит ,ачымазара зыхьуа рыдкылара иазыхиоу егьырҭ ахәышәтәырҭақәагьы.

Лаура Қаҧшьҧҳа, Сҭеҧан Мартиросиан, АТ.
  • ТЭГИ:
20.10.2020 41 РАБОТА СЭС
С 18 октября санитарно – эпидемиологическая служба Абхазии увеличила количество исследований на коронавирусную инфекцию в сутки.
20.10.2020 29 Первые пациенты в военном госпитале
Российский мобильный госпиталь, расположившийся на территории пансионата «Айтар», принял первых пациентов с коронавирусной инфекцией.