Ачымазара ҿкы цәырҵижьҭеи аҳақьымцәа русура еиҳахеит.

14.10.2020 52
Ачымазара ҿкы цәырҵижьҭеи аҳақьымцәа русура еиҳахеит.Урҭ уахи-ҽни  рпрофессионалтә уалҧшьа нарыгӡоит.Ишдыру еиҧш ,ачымазара зыхьуа рхыҧхьаӡара есыҽны иацлоит.Убри аан, аҳақьымцәа разымхара проблема хаданы иҟоуп.Аха убас шакәугьы, дара хеигӡарак ҟамҵакәа ацхыраара зҭаху рхаҵгылара рҽазыршәоит. Гәдоуҭатәи аковид госпиталь аҿы аус зуа рнаҩсангьы, аҭыҧантәи аполиклиникақәа рҿы аҳақьымцәа ачымазцәа рыдыркылоит.Анаҩстәи ҳанҵамҭаҿы ҳара ҳҽазаҳшәеит урҭ русура атәы шәзеиҭаҳәара.Ҳкорреспонден Амра Зарандиаҧҳа дырҭааит аҳҭнықалақь аполиклиникақәа.

Ковид зеижә рцәа иалоуп ҳәа агәҩара змоу  ауааҧсыра, уи асимптомқәа рхы иадырбалозар уахыи-ҽныи аус зуа аҭел ахь иасуеит. Анаҩс апациент дахьынхо аҭыҧ ала ахәышәтәырҭа аҭыҧантәи аҳақьым иҽимаидар ауп. Иазгәаҭатәуп, уи знапы иану аҳақьымцәа ҳазҭагылоу аамҭазы аусутә рацәаны ишрымоу. Убас, Аҟәатәи актәи ақалақьтә поликлиника аҟәша аҿы акоронавирустә ҿкы змоу апациентцәа ирхылаҧшуеит х-ҩык аҳақьымцәа. Урҭ дыруаӡәкуп Оксана Лакербаиа.Лара лажәақәа рыла, ачымазара ҿкы зыҟны ишьақәыргылоу, насгьы уи рцәа иалоу иаламу аилкааразы атестқәа азҭахьоу, аха аҭакқәа змауц рхыҧхьаӡара иааидкыланы хәышәҩык рҟынӡа инаӡоит.
Аҳақьым есыҽны аус луеит, аҧсшьарамшқәагьы уахь иналаҵаны. Апациентцәа ахәышәтәырҭа аҿы еиҧш ателла лыҽрымалдоит. Шьаҿа-шьаҿалатәи рыхәышәтәра дацклаҧшуеит. Абраҟа иазгәаҳамҭарц залшом, аҳақьым маҷк лаамҭа анлымаҳх, ҳҭыхрақәа ахьынӡацоз зыбжьы иаглырхаз аҭел еихсыҕьрак шамамыз.

Иазгәаҭатәуп ,аҳақьым ҭыҧла илыҵанакуа ачымазцәа рнаҩсангьы илыдҵаало зегьы рахәшəтәра мап шацәылымкуа.Аха агәынамӡара аалырҧшит аҩны зҽызхәышәтәуа ачымазцәа рхыҧхьаӡара аҿы ишыҟоу аҳақьымцәа рабжьгарақәа ирықәымныҟәо рганахьала.

Аҟәа араион аполиклиника аҿы акәзар, уаҟа ковид зеижә зыхьны аҩны ахәышәтәра иахысуа хылаҧшра рырҭоит ҩыџьа аҳақьымцәа. Урҭ дыруаӡәкуп Асида Агрҧҳа. Лара есыҽны ҭелла апациентцәа лыҽрымалдоит.

Аҳақьым лажәақәа рыла ,ҳазҭагылоу аамҭазы хылаҧшра зылҭо апациентцәа шәи ҩынҩажәи жәаҩык инарзынаҧшуеит. Урҭ зегьы амедицинатә картақәа рзаартуп, ҭелла дрыдҵаалоит.

Апациентцәа  рымаҵ аура, урҭ ирызцәырҵуа азҵаарақәа зегьы ирыхьӡаны рҭак аҟаҵара, ахәышәтәра,уҳәа убас ирацәоуп рнапы иану аҭыҧантәи аҳақьымцәа. Дара ҳтәыла ауааҧсыра рахь ааҧхьара ҟарҵоит, асанитартә нормақәа ирықәныҟәаларц иахьынӡауа рхи рыкәша-мыкәша иҟоуи ргәабзиара иазхәыцларц.

Амра Зарандиаҧҳа, Алықьса Баструков, АТ

  • ТЭГИ:
20.10.2020 41 РАБОТА СЭС
С 18 октября санитарно – эпидемиологическая служба Абхазии увеличила количество исследований на коронавирусную инфекцию в сутки.
20.10.2020 28 Первые пациенты в военном госпитале
Российский мобильный госпиталь, расположившийся на территории пансионата «Айтар», принял первых пациентов с коронавирусной инфекцией.