35 тонна инеиҳаны агәыҳалалратә еидара Аҧсныҟа иааит.

13.10.2020 160
35 тонна инеиҳаны агәыҳалалратә еидара Аҧсныҟа иааит. Уи зегьы аҵареи абызшәатә политикеи рминистрра иарҭеит. Иахьа ашколқәеи, ахәыҷбаҳчақәеи егьырҭ аҵараиурҭақәеи адеизинфекциатә маҭәашьарқәеи ашоурашәагақәеи рызшан. Агәыҳалалратә акциа еиҿнакааит Иунисеф ахәыҷтәы фонд Аҟәатәи аофис . Жьҭаара жәохә инаркны иалагалоу аҧкрақәа инарықәршәаны, ашколқәа зегьы акарантин ахь идәықәҵоуп. Аха ари ацхыраара хымҧада ихәарҭахоит аҵаратә процесс ҩаҧхьа ианхацыркхо.

Агәыҳалалратә еидара Аҟәатәи алицеи-интернат ахь инаргеит.Амашьынақәеи автобусқәеи рыла арахь иааит азеиҧшҵариурҭақәа рхаҭарнакцәа. Адезинфекциатә хархәагақәа , асапын , антисептикқәа, ашоурашәагақәа -абарҭқәа рыла ишьақәгылоуп иааргаз аидара .

Иунисеф ахәыҷтәы фонд Аҟәатәи аофис арҭ ахархәагақәа Аҧсны аҵареи абызшәатә политикеи рминистрра ианаҭеит. Акарантин ҳәа иадыркқәаз ашколқәа шыҟоугьы, еиҳарак Аҧсны аҵараиурҭақәа аус шыруц ируеит. Ас еиҧш иҟоу акциа акыр ицхыраагӡоуп ҳтәылазы,-ҳәа азгәарҭоит аминистрра ахаҭарнакцәа.

Акциа аҳәаақәа ирҭагӡаны, аҳәаанырцәынтәи иаагоу ахархәагақәа рыҭрақәа ирну ақәҩырақәа ракәзар ,еиҭагоуп аҧсшәеи аурысшәеи рахь.

Аҧсны аҵареи абызшәатә политикеи рзы аминистрра арҭ амаҭәашьарқәа акырынтә азеиҧшҵараиурҭақәа ишырзыршахьоугьы.Иахьа Иунисеф абзоурала имҩаҧгоу агәыҳалалратә акциа хәы змаӡам цхыраароуп аҿкы чымазара аанкыларазы. Иахәҭоу аҧҟаррақәа ирықәныҟәо –хаҭала лассы-лассы знапы зыӡәӡәо, асабрадақәа ныҟәызго ауаарацәа ахьеизо аҭыҧқәа рахь имнеиуа ауаҩы-аспециалистцәа излазгәарҭо ала, ачымазара дацәцоит.

Дениза Гьергьиаҧҳа , Алықьса Агәхаа,АТ 




  • ТЭГИ:
20.10.2020 41 РАБОТА СЭС
С 18 октября санитарно – эпидемиологическая служба Абхазии увеличила количество исследований на коронавирусную инфекцию в сутки.
20.10.2020 28 Первые пациенты в военном госпитале
Российский мобильный госпиталь, расположившийся на территории пансионата «Айтар», принял первых пациентов с коронавирусной инфекцией.