Аҭоурыхтә фотоцәыргақәҵа аатит Каман ақыҭан иҟоу Иоанн Ахьтәыҿаҧыц иҧшьаҭыҧ аҿы.

24.09.2020 320
Аҭоурыхтә фотоцәыргақәҵа аатит Каман ақыҭан иҟоу Иоанн Ахьтәыҿаҧыц иҧшьаҭыҧ аҿы. Уаҟа ицәыргоуп урыстәылатәи аҭауадцәа Романавааи аҧсуа ҭауадцәа Ачба-Шервашиӡеи рфотоҭосахьақәа. Ацәыргақәҵа аус адырулон Иоанн Ахьтәыҿаҧыц иуахәама ахылаҧшҩы Аб Игнатии афотограф Владимир Попови. Иара убас ацхыраара ҟарҵеит Белла Абаевеи, Кьалышьбеи Чачба ихьӡ зху афонди.

Есышықәса Каман Иоанн Ахьтәыҿаҧыц иуахәамаҿы имҩаҧысуеит аҭоурых иадҳәалоу аинтерес зҵоу ацәыргақәҵақәа. Ара ицәыргоуп шәи ҩажәижәаба инарзынаҧшуа аҭауадцәа Романавааи Ачба-Шервашиӡе рфотоҭыхымҭақәа.

Аҧсуа жәлар рҭоурых аҿы Ачаа рыжәла иааннакылоит иҷыдоу аҭыҧ. Уи дырҵабыргуан ахәаҧшыҩ иҿаҧхьа ицәыргаз афотоҭыхымҭақәа. Ацәыргақәҵаҿы иаарҧшын аҧсуа ҭауадцәа рхаҿсахьақәеи, иара убас усҟантәи аамҭазы Аҧсынтәылеи Урыстәылеи реизыҟазаашьақәа зныҧшу аусумҭақәа.

Арҭ афотосахьақәа рыҧшаареи аус рыдулареи мҩаҧысуан хышықәса инарзынаҧшуа. Иааизакны ацәыргақәҵа иазырхиан ҧшьышә фотоҭыхымҭақәа, иахьазы ахәаҧшцәа идырбаз уи ахәҭак ауп. Аиҿкааҩцәа гәҭакыс ирымоуп ацәыргақәҵа Шәача амҩаҧгара.

Иоанн Ахьтәыҿаҧыц иуахәама аҿы еиҿкаау афотоцәыцргақәҵа аҭааҩцәа рзы иаартызаауеит мызкы аҩныҵҟа.

Шьазина Ханагәуаҧҳа, Инал Агәхаа, АТ
  • ТЭГИ:
20.10.2020 39 РАБОТА СЭС
С 18 октября санитарно – эпидемиологическая служба Абхазии увеличила количество исследований на коронавирусную инфекцию в сутки.
20.10.2020 27 Первые пациенты в военном госпитале
Российский мобильный госпиталь, расположившийся на территории пансионата «Айтар», принял первых пациентов с коронавирусной инфекцией.