Аҧсны иааны иҟоуп Нхыҵ-Кавказтәи афедералтә университет аҿынтә аделегациа

24.09.2020 278
Аҟәа ақалақь усутә визитла иаҭоу Нхыҵ-Кавказтәи афедералтә университет аҿынтә аделегациа аҭааит Аҧсны аҭҵаарадыррақәа ракадемиа, иара убас Дырмит Гәлиа ихьӡ зху аҧсуаҭҵааратә институти дареи ирыбжьарҵеит аусеицуразы аиқәшаҳаҭра.

Нхыҵ-Кавказтәи афедералтә университет аделегациа раҧхьаӡакәны хатә гәаҧхарала Аҧсны Аҭҵаарадыррақәа ракадемиа иаҭааит. Академиа аҭоурых,уи имҩаҧнаго аусурақәа уҳәа ирацәан асасцәа ирымаз азҵаарақәа. Уи инамадангьы, Нхыҵ-Кавказтәи Афедералтә университети Академиеи русеицуразы иҟарҵаша аҧхьаҟатәи ашьаҿақәа ирылацәажәеит.

Иара убас, Аҧсны Аҭҵаарадыррақәа ракадемиа апрезидент Зураб Џьапуа иазгәеиҭеит, Нхыҵ-Кавказтәи ауниверситети дареи еилахәны атехнологиақәа ринститут аҧҵара шырҭаху атәы.Иахьа инаркны ихацыркхоит ҳара ҳусеицура,шәара шәаҧшьгарагьы атехнологиақәа ринститут аҧҵаразы ҳаицхырааны анагӡара ҳалшап ҳəа сгәы иаанагоит. Уи адагьы афизика, ахимиа,астрофизика, аҭоурых,аетнологиа уҳәа егьырҭ ахырхарҭақәа рылагьы ҳусура ашьақәыргылара сақәгəыҕуеит ҳәа азгәеиҭеит , Нхыҵ- Кавказтәи Афедералтә университет аректор Дмитри Беспалыи .

Русутә визит иацҵо Нхыҵ-Кавказтәи Афедералтә университет аделегациа анаҩс иаҭааит Д. Гәлиа ихьӡ зху Аҧсуаҭҵааратә институт. Иазгәаҭатәуп, 2014 шықәса раахыс Аҧсуаҭҵааратә институти Нхыҵ-кавказтәи ауниверситети русеицура шхацыркыз.

Иахьа урҭ русура аофициалла ашьақәырҕәҕәаразы Нхыҵ-Кавказтәи ауниверситети Аҧсуаҭҵаараатә институти рыбжьара аиқәшаҳаҭра рнапы аҵарыҩит.Уаҟа еиҳа иалыркаауеит анаука-ҭҵааратәи арҵаратәи хырхарҭақәа. Нхыҵ-Кавказтәи ауниверситет аректор Дмитри Беспалов иажәақәа рыла, анаука-ҭҵааратә хырхарҭала ргәы иҭоуп аконференциақәеи астол гьежьқәеи рымҩаҧгара. Аҭҵаарадырратә усзуҩцәа рҧышәа аимдаразы ирымоу алшарақәа рнаҩсангьы, анаукатә ҭҵаарақәа рхы рыладырхәларц аҭагылазаашьа рыҭахоит.

Лаура Қаҧшьҧҳа, Ҭемыр Гогохьиа, АТ

  • ТЭГИ:
20.10.2020 41 РАБОТА СЭС
С 18 октября санитарно – эпидемиологическая служба Абхазии увеличила количество исследований на коронавирусную инфекцию в сутки.
20.10.2020 29 Первые пациенты в военном госпитале
Российский мобильный госпиталь, расположившийся на территории пансионата «Айтар», принял первых пациентов с коронавирусной инфекцией.