Амилаҭтә библиотекаҿ имҩаҧысит Борис Евсееви Владимир Делбеи рҧылара.

23.09.2020 75
Амилаҭтә библиотекаҿ имҩаҧысит Фазиль Искандер ихьӡ зху жәларбжьаратәи апремиа алауреат, ашәҟәыҩҩы Владимир Делбеи, Фазиль Искандер ихьӡ зху Жәларбжьаратәи апремиа аиҿкааратә еилазаара ахантәаҩы, ашәҟәыҩҩы Борис Евсееви реиҧылара. Иара убас имҩаҧысит рышәҟә ҿыцқәа рӡыргара.

Аиҧылара иалахәын, Аҧсны ашәҟәыҩҩцәа Реидлыла ахаҭарнак, Фазиль Искандер иааигәаны дыздыруаз ауаа, аинтеллигенциа, Амилаҭтә библиотека анапхгара, иара убас агәаҳәара змаз зегьы. Ари аусмҩаҧгатә иалахәыз, иргәаладыршәон еиуеиҧшым ахҭысқәа, иара убас ирыхцәажәон Фазиль Искандер иаҧҵамҭақәа. Аиҧылара еихшан х-хырхарҭак рыла.

Аҧсуа шәҟәыҩҩы Владимир Делба диит 1946 шықәса рзы. Иара Аҧсуа шәҟәыҩҩцәеи Урыстәыла алитераторцәеи рхеилакқәеи иара убас 21 тәи ашәышықәса ашәҟәыҩҩцәа рхеидкылеи дырлахәылоуп. Владимир Делба иаҧҵамҭақәа ркьыҧхьуеит Москва амассатә информациатә хархәагақәеи, Аҧсныи, Еиду Америкатәи аштатқәеи, Израили. . Иара иӡыригаз ишәҟәы ҿыц иахьӡуп «Рулетка судьбы» . Иара убас аурыс шәҟәыҩҩы иӡыригаз ашәҟәы ҿыцқәа иреиуоуп «Очевиец гриадущего», «Романчик», «Чукотан»,»Офирски скворец», «Сергиев лес». Аҧсуеи аурыс шәҟәыҩҩцәеи раҧҵамҭақәеи, урҭ реихьӡарақәеи ртәы ҳзеиҭаиҳәеит Аҧсны ашәҟәыҩҩцәа Реидгыла ахантәаҩы Вахтанг Аҧҳазоу.

Ашәҟәыҩҩцәа дрыдныҳәалеит ари аусмҩаҧгатә зхы алазырхәыз Аҧсны иҟоу «Россотрудничество» анапхгаҩы Вадим Чеха. Иара ашәҟәыҩцәа аҳамҭақәа риҭеит. Аиҧылара хыркәшо, ашәҟәыҩҩцәа Владимир Делбеи Борис Евсееви Амилаҭтә библиотека рышәҟәқәа ҳамҭас иарҭеит.

Аслан Џьопуа, Михаил Братухин ,АТ .
  • ТЭГИ: