Аҧсуа ҳәынҭқарратә драматә театр аҟны имҩаҧысит ахәыҷтәы театртә студиа «Нарҭ» ахь аҵаҩцәа ралҧшаара иазкыз аусмҩаҧгатә.

15.09.2020 68
Самсон Ҷанба ихьӡ зху Аҧсуа ҳәынҭқарратә драматә театр аҟны имҩаҧысит ахәыҷтәы театртә студиа «Нарҭ» ахь аҵаҩцәа ралҧшаара иазкыз аусмҩаҧгатә.

Аҧсуа драматә театр азал хәыҷы аҿы ахәыҷқәа ргәы хыҭ-хыҭуа ажиури иддырбараны иҟоу рықәгылара маҷқәа рҽырзыҟарҵоит, аӡәы дзыҧхьараны иҟоу ажәеинраала лгәалалыршәоит, даҽаӡәы- еиҳа гәаҭала иҕәҕәоу, дазыҧшуп лықәгылара аамҭа анааиуа.Ажәакала, рызегьы ирымоуп алшара рҟазара аарҧшразы.

Расида Лакәатаапҳа аа-шықәса лхыҵуеит, иахьа лара ажиури ирызлырхиеит ажәеинраалақәеи, ашәақәеи.

Аманда Амҷҧҳа лакәзар, уажәнатә ажәеинраалақәа лыҩуеит,уи аиҳагьы илџьыушьаша, дыхәмаруеит ахымааи аҧхьарцеи алырҳәоит, иара убас дагьыкәашоит.

Саломеиа Ломиаҧҳа аҧшьбатәи акласс аҿы дтәоуп, атеатр асценахь ацәырҵра лҭахыжьҭеи акрааҵуеит. Ари аҩыза алшара ларгьы илымоуп иахьа.

Есышықәса, аҵарашықәс алагамҭазы, Аҧсуа театр ахәыҷтәы студиа Нарҭгьы алҧшаарақәа мҩаҧнагоит.

Алҧшаарақәа рлыҵшәа рылаҳәахоит ажиури еилацәажәаны ианырыӡбалак ашьҭахь .Абраҟагьы иумҳәар залшом, ахәыҷтәы студиа “Нарҭ” анапхгаҩцәа аҧсуа бызшәа азҿлымҳара ҕәҕәа шарҭо.

Лаура Қаҧшьҧҳа, Руслан Орлов, АТ.
  • ТЭГИ:
24.09.2020 20 Аҭоурыхтә фотоцәыргақәҵа аатит Каман ақыҭан иҟоу Иоанн Ахьтәыҿаҧыц иҧш...
Уаҟа ицәыргоуп урыстәылатәи аҭауадцәа Романавааи аҧсуа ҭауадцәа Ачба-Шервашиӡеи рфотоҭосахьақәа.
24.09.2020 14 Аҧсны иааны иҟоуп Нхыҵ-Кавказтәи афедералтә университет аҿынтә аделега...
Аделегациа аҭааит Аҧсны Аҭҵаарадыррақәа Ракадемиа, иара убас Дырмит Гәлиа ихьӡ зху Аҧсуаҭҵааратә институти дареи ирыбжьарҵеит аусеицуразы аиқәшаҳаҭра.